Amah hi Aizawl khawpuia Higher Secondary School pakhata class 12 zirlai naupang a ni a, Myanmar refugee niin, picsart app hmangin circular a thu inziak a thlak kual a ni.

Tarlan tawh angin, May 29 (nilai) zan khan khaw awmdanin a zirloh avangin May 30 (ningani), 2024 chu Mizoram pumah school chawlh chhunzawm leh tur angin Education Director thuchhuak tarlan a ni a, social media a bikin, whatsapp group hrang hrangah thehdarh a ni a, Zoram Today chuan Director hi a be pawp a, a ni chuan thuchhuah an neiloh leh mak a tih thu a sawi a, a tuk ah Education Director Lalsangliana hmingin Cyber Crime Police Station ah FIR an thehlut nghal a, nizan khan thil ti sualtu hi an man ta a ni.

Tunlaiin Internet kaltlanga inbumna a tam hle a, Cyber Police pawh hian nitin case 5-10 inkar an nei reng anga chhut a ni a, pawisa lam inbumna a tam chang phei chuan nikhatah FIR 20 vel an dawn thin thu leh an hmanraw neih chhunte erawh an hman tangkai thin thu Cyber Police hotute chuan kan palai an hrilh a. Staff an tamloh avangin hna chak tur angin an thawk chak hleitheilo thung.